ஆசிரியர்: மகேஸ்வரி மனோகரன்

• 

  வாழைக்காய் வறுவல்

  வாழைக்காய் என்றாலே அனைவருக்கும் நினைவுக்கு வருவது அமாவாசை அன்று பித்துருக்களுக்கு படைப்பதுதான். வாழைக்காயை வறுத்து படைப்பது வழக்கம். வாழை என்றாலே அதில் உள்ள தண்டு, பூ, காய் மற்றும் பழம் என்று ஒவ்வொன்றிலும் ஒவ்வொரு தனித்தன்மை உள்ளது. வாழைக்காயில் இரும்பு மற்றும் நார் சத்து இருப்பதால் செரிமானத்துக்கு உதவுகிறது. வாழைக்காயில் இருக்கும் வைட்டமின் ஏ மற்றும் சி நோய் எதிர்ப்பு சக்தியை தருகிறது.

• 

  பிரண்டைத் துவையல்

  பிரண்டை கொடி வகையை சார்ந்தது. இதை வீட்லயும் வளர்க்க கூடிய செடியாகும். இந்த பிரண்டை செரிமான கோளாறு, வாய் புண், வாய்வு போன்ற பிரச்சனைகளுக்கு தீர்வாக திகழ்கிறது. இந்த துவையலில் வெல்லம் மற்றும் உளுந்து சேர்ப்பதால் சாப்பிடும் போது அரிப்பு இல்லாமலும் சுவையாக இருக்கும்.

• 

  தேங்காய் சட்னி

  தேங்காய் உண்பதால் முடி உதிர்வை தடுக்க மற்றும் சருமம் சுருக்கம் போக என்று சிறந்த மருத்துவ குணங்கள் நிறைந்து உள்ளது. சிறார்கள் பசி என்றால் சட்டென்று தேங்காய் துருவி அதில் சர்க்கரை அல்லது வெல்லம் போட்டு கொடுப்பர். மிக சுவையாக இருக்கும். அது போல் தோசை அல்லது இட்லிக்கு சட்னி செய்து தொட்டு சாப்பிடுவர்.

• 

  வெண்பொங்கல் (பச்சரிசி)

  பச்சரிசி உடல் மெலிதாகவும் கொழுப்பு சத்து குறைவாகவும் இருக்கிறவர்களுக்கு மிக சிறந்த உணவாகும். சிறியவர்களுக்கு அல்லது முதியவர்களுக்கு பச்சரிசி நல்ல வெந்து குழைந்து சாப்பிடுவதற்கு சுலபமாக இருக்கும். இந்த அரிசியில் பொங்கல் செய்வதால் சுவையாகவும் ஆரோக்கியமாகவும் இருக்கும். இத்துடன் பயத்தம் பருப்பு சேர்ப்பதால் வயிற்று புண்ணை ஆற்றும்.

• 

  வெண்பொங்கல் (புழுங்கல் அரிசி)

  புழுங்கல் அரிசி விரைவாக ஜீரணமாக கூடிய உணவாகும். ஏனென்றால் ஏற்கனவே நெல்லை வேகவைத்து உமி தனியாக அரிசி தனியாக பிரித்து வைப்பர். அதனால் சீக்கிரமாகவே அரிசி வெந்துவிடும். இது உடம்புக்கு ஆரோக்கியத்தையும் கொடுக்கும். இந்த அரிசியுடன் பயத்தம் பருப்பு சேர்ப்பதால் வயிற்று புண்ணை ஆற்றுவதற்கு சிறந்த மருந்தாகும்.